Wird der Aufforderung zur Rückkehr möglichst noch vor Ostern Folge leisten; welchen Schaden ihm allerdings seine Abberufung verursacht und wie sehr sie dem Bürgermeister und der Universität mißfällt, will er mündlich berichten. Kann vor Betrübnis kaum schreiben.

Tuas literas 1 accepi, mi Bullingere. lis, quamprimum fieri poterit, ut aequum est, morem geram. Qua autem studiorum meorum iactura id facere cogar, ex me, quamprimum venero, abunde audies. Veniam autem, ut opinor, ante festum pashatis a 2 ; citius minime licebit. Quid denique dispendii et incommodi hic in patriam reditus mihi ferat, praesens tibi declarabo. Non minus damni haec profectio mihi nocitura est, quam cum ex Gallia mihi erat discedendum 3 . Quo pacto consuli universitatisque gymnasiarchis haec res placuerit, ex me quoque audies ⁴ .

Vale, patrone omnium charissime. Haec prae nimia cura et sollicitudine, qua adficior, vix potui scribere. Te itaque sedulo oro, ut aequi bonique pro tua humanitate consulas. Vale iterum. Meo nomine diligenter mihi salutabis totam tuam familiam et caeteros, quos nosti mihi charos.

Datum raptim, Basileae, pridie idus martii 1537.

Expeditis meis negotiis ante pasha b , ut dixi, deo favente iter ingrediar.

Tuus ex animo Frisius,

quantus est, totus.

[Adresse auf der Rückseite:]Insigni et eruditione et pietate viro d. Henricho Bullingero, divini verbi concionatori, suo patri inprimis venerando. Tiguri.