Der Tod von Pfarrer Hans Briner in Oberwinterthur ist für die Kirche und für viele Menschen ein schwerer Verlust. Bittet, auch im Namen seiner Mitpfarrer, dem frommen und gebildeten Johannes Blum, Dekan des Winterthurer Kapitels und Pfarrer in Wülflingen, der mit einer großen Familie in bescheidenen Verhältnissen lebt, auf die Pfarrstelle in Oberwinterthur zu verhelfen. Grüße.

Gratiam et pacem a deo patre per Christum.

Dominus Ioannes Brinerus, ecclesiae Superioris Vituduri episcopus, hinc migravit ad superos calendis aprilibus 2 , quem sane dominus morte nimis immatura eripuit gravissima sue ecclesie iactura, nisi non dicenda iactura tanti viri amissio adeoque pastoris, quos ego sciam, absit verbo invidia, vigilantissimi. Dii faxint, ut senatus noster Thigurinus virum aliquem bonum eidem ecclesie frequentissime praeficiat, si non per omnia parem extincto, at saltem pietate et eruditione haud inferiorem, qui et verbo et vite castimonia doceat.

Quod ego sane ex animo cupio votique me compotem fore facile crediderim, nisi me meus fallit animus, si Floro ³ , ecclesie Vulfflingensis 4 paroeciano, Vitudurensis capituli decano, hec demandaretur provintia. Est enim vir vere Pius iuxta ac doctus, cui dominus et gratiam et prudentiam prae aliis multis magis insignem pulchre admodum functionem hanc episcopalem administrandi. Atqui alias, dii boni, quam curta est suppellex, quam tenuis est fortuna, cuius alende familie a annui reditus parum respondent. Auctus liberis octo deinde quoque matrem habet adhuc superstitem provecte etatis, pauperculam atque cecam. Hunc igitur Florem nostrum haud emarcidum fratres apud nos omnes tue humanitati vehementer commendant id ipsumque ultro, inrogati, ut me dii bene ament, ut eum adiutes, quantum potes, si ita tibi atque vobis omnibus tali episcopatu dignus videbitur.

Vale feliciter atque ama Lutium tuum vicissim, qui te amat effusissime.

Anno 15[37]b , tertio nonarum aprilium.

Coniugem tuam 5 charissimam ac matrem ⁶ cum tota familia c salvas esse cupio.

H. Lutius, ex animo tuus.

[Adresse auf der Rückseite:] Domino Heinricho Bullingero, apud Thigurinos episcopo vigilantissimo ac primario, fratri suo cumprimis charo.