[1079]
Autograph: Zürich StA, E II 364, 39 (Siegel) Ungedruckt
Der erneut erkrankte Bürgermeister [Thomas Blarer] erwidert seinen Gruß. Wenn [Konrad] Klauser die Erlaubnis erhalten hätte, [als Hauslehrer zu Konrad Zwick] zu kommen, wären sie auch für den Fortgang seiner Studien besorgt gewesen; sie bitten nochmals um Hilfe bei der Besetzung der Stelle. Bullinger soll dem Briefüberbringer bei der Suche nach [Werken von] Albertus [Magnus?]helfen.
Salus.
Consulem nostrum quartana iterum invasit 1 , Bullingere charissime; sed non speramus duraturam. Commendo tamen eum precibus tuis. lussit tibi pro salute gratias agere et longe plurimam remittere.
De Clausero iuvene sic se res habet, quemadmodum in aliis literis sum testatus 2 ; tamen, si nobis tuorum favore contigisset, dedissemus summam operam, ne cum studiorum suorum neglectu, sed profectu nobiscum fuisset. Nunc autem, cum haec spes elapsa sit nobis, tamen non desinimus rogare te usque et usque, ut, si quis alius talis tuo consilio et ope tua nobis possit contingere, ne quid negligas, mi frater. Periculum, quod secum haec mora adfert, misere nos divexat; vellemus enim pueris nostris in tempore consultum.
Sed iam nihil aliud habeo properante etiam tabellione isto 3 , qui ad nos missus est, quemadmodum ex literis hic vides. Caeterum, cum Albertum illum apud nos nusquam repererim 4 , vellem, tu quoque faceres offitium in gratiam istius boni viri, si forte apud vos inveniretur, quanquam etiam dubitarim, philosophicane an vero theologica velit.
Vale, mi frater, et ora dominum pro me.
15. decembris 1537.
Libellum 5 hic remitto cum gratiarum actione.
Tuus Io. Zvick.
[Adresse auf der Rückseite:] Domino Hainricho Bullingero Tigurino, suo charissimo fratri.
