[1092]
Autograph: Zürich StA, E II 347, 130f (Siegelspur) Regest: Capito, Corr. 229, Nr. 658
Hat dem Apotheker wegen des Sohns [von Christoph Klauser]zugeredet; der Lehrmeister hält den Knaben zwar für ungeschickt, stellt aber dennoch einen erfolgreichen Lehrabschluß in Aussicht. Capito erinnert Bullinger an seine führende Rolle in der Eidgenossenschaft und mahnt ihn angesichts der Antwort Luthers [an die Eidgenossen], Lehre und Kirchenleitung auf [das Erste Helvetische Bekenntnis] auszurichten; dies wird die Konkordie befestigen, aber auch die Kirche stärken, die zu sehr von der Obrigkeit abhängt. Bittet, bei Erasmus [Ritter] auf Mäßigung hinzuwirken, wie es die Straßburger bei [Sebastian Meyer] tun; statt zu streiten, sollte man dem Volk den Gekreuzigten nahebringen, da bei Vernachlässigung des Hirtenamtes vor allem die Jugend dem Unglauben zu verfallen droht. Grüße.
S. Ostendi tuas ad me 1 myropolae 2 , quocum filius 3 clam agit, adiectis per me
minis de nostro magistratu cupiente vobis Tigurinis gratificari. AttonitusBriefe_Vol_08-035 arpa
initio multis diligentiam suam mihi comprobare molitus est, sed puerum non
esse acutissimum neque habere facultatem et usum ea duntaxat adscribendi,
quae in officina quotidie occurrant. Et ut huius fidem faceret, indicavit, quae
forte rationario diurno annotaverat. Porro nonnihil tamen a se illum a didicisse,
quod sit ei profuturum magnopere, sperareque se ait b elapso hoc biennio
eum c posse peritiae suae specimen haud poenitendum praebere. Alter 4 ,
quem habeat, peritior quidem sit, sed annis et usu adeoque natura ipsa praestet
etc. Interea iterum appellavi; respondit puerum satis industrie se habere
atque proficere pulchre.
Mi Bullingere, vides, quo es in loco et quanta rerum pondera unus istic sustines; nam in te merito tuo Elvetia respicit, cuius ducatum sequax comitatur. Fac igitur, quoniam Lutherus commode respondit 5 , ut iuxta Basilienses articulos 6 docendi atque ecclesiam gubernandi ratio temperetur apud tuos, et non solum concordia constabit, sed etiam ecclesia constituetur, quae alioqui vaga, incerta interque manus nostras peritura labescit, ut videmus. Nititur enim non tam autoritate ministerii, quam nullamdum habetis, quam viribus magistratus profani potius ea curantis, quae mundi sint.
Cohibe, si potes, ferociam Erasmi 7 ; nos hinc, mihi crede, non cessamus iniicere frenum frigido seni nostro 8 , qui more melancholicorum fertur esse conceptae semel indignationis tenacior. Quid attinet rixari perpetuo; populus ista nec intelligit neque moratur. Quin demus operam, ut Christum et hunc crucifixum 9 inculcemus ceu servatorem unicum, ad quam rem verbum praedicationis ||131 et sacramenta faciunt et in quo disciplina ecclesiastica desiderata multis ecclesiis mobilem plebem continet, quae sibi permissa delabitur ad Epicuraeorum instituta, ut nihil tandem credat. Maxime iuventus, siquidem verum fateri licet, in ecclesiis nostris religione soluta in omne nephas ruit. Quae spes igitur futurae post nos ecclesiae, cum spes eius in herba 10 interit perdita in istum modum iuventute? Ne syllaba quidem exigitur ultra verbum domini. Utinam nos in hac nostra ecclesia aliquousque praestaremus, quod ad officium pastoris pertinet! Docemus quidem satis officiöse de suggesto
| Briefe_Vol_08-036 | arpa |
|---|
et cum paucis interea de rebus ecclesiae commentamur. Verum vulgus cui cordi est? Ad unum d negliguntur, nisi dum publice monentur ad studium religionis. Ovem vero perditam apud nos rarissimus est qui quaerat 11 , quae res animum meum discrutiat. Neque spero aliud quam in flagello domini cum industria eius gratiam restituendam nobis. Proinde et tu, mi frater, nos precibus adiuta.
Bucerus te salutat, quem urget similis cura. M. Leonem Iud salvere iubeas utriusque nomine. Eius nepos 12 bene valet. Sturmius 13 professor valetudini pulchre restitutus est. Bibliandrum et Pellicanum salutabis.
Argen[torati], pridie idus ianuarii anno 1538.
Wolfg. Capito.
[Adresse darunter:] Clarissimo viro M. Henrico Bullingero, pastori ecclesiae Tigurinae, amico ac fratri sibi in domino observando e .
