[81]
Autograph: Zürich StA, E II 343,95. Siegelspur. —Ungedruckt
Die V Orte versuchten, die Glarner unter Berufung auf angeblich gleiche Tendenzen in Zürich und Bern zur Rückkehr zum Katholizismus zu drängen; Haller verlangt Nachrichten darüber. Er berichtet von einer bernischen Geldspende an die Bremgartner und teilt seine Befürchtungen wegen der Ratswahlen in Bern mit.
S. Cum iam itineri nuncius 1 accinctus esset nec amplius ullam facere moram possem, non potui te celare, charissime frater, id quod palam per omnes circumfertur vicos, nempe 5 pagicos Glaronensem petiisse communitatem atque huic iam ex omnibus pagis aut ecclesiis congregatae proposuisse 2 , quomodo ab illis exigant, quatenus et federa servent et in antiqua cum ipsis religione perstent, id quod hactenus, etiam saepius polliciti, non fecerint. Nec quippiam in hac re periculi esse. Nam et Tigurinos tantum pollicitos, ut paulo post tempore et ipsi pristinam revocaturi sint religionem. Apud Bernenses omnino simile sperent. Glareani vero nullo dato responso legatos amice amandarunt mox responsuri, cum maturo consilio singula perpenderint. Rumores hi tam certo feruntur apud nos, ut nihil certius, at quod tui quid polliciti sint, multi credunt esse imposturam et mendacium, quo pios Glareanos circumvenire et persuadere velint et possint. Obsecro igitur apud tuos perscrutari velis, num illis constet de legatione illa Antroniorum 3 . Nam quod ad me attinet et de vobis referunt, nullam penitus habeo fidem. Sed ut certius multorum ora obstruere possim, obsecro, responsionem tribus absolve verbis. Urgent enim cordatiores et amici tui optimi, ut a te certiores reddantur.
Bremgartinis tuis 100 librae nostrae monetae 4 dono datae sunt numerata pecunia, et
| Briefe_Vol_02_0089 | arpa |
|---|
certe plurimum tibi referre debent. Tuas enim literas 5 et consuli 6 et Hagio 7 , quaestori 8 ac caeteris ostendi 9 , qui bonos viros commiserati reliquos quoque permoverunt 10 . Sultzerus 11 nondum rediit. Tua post pasca omnia remittam 12 .
O mi Heinrice, quam in magno periculo nostra est respublica! Wingarterus 13 ob fornicationem amotus est 14 , deinde 5 alii, et duo sunt penitus valetudinarii et senes. Octo itaque addere senatui oportet. Sunt plerique prudentes senes et auctoritatis alicuius, sed quibus Christi negocium non facile fiditur. Sunt deinde iuvenes, pii quidem, sed imprudentes, avari et nullius auctoritatis. Nisi dominus suam bonitatem in electione magistratus super nos effundat, actum erit facile de nobis. Ora deum, oret et ecclesia tua pro nobis. Prima aprilis fit electio eorum, qui diacosios 15 et senatum eligunt, 2a fiet electio diacosiorum, 6ta consulis, 4 pandaretorum 16 , 7a senatus minoris.
Iam vale. Solum hoc deest: Num liceat fratres defendere etiam armis et illorum causam vindicare, qui sunt alterius magistratus aut pagi, illaesa christiana charitate.
Rursum vale.
30. martii, raptim.
Nun lass mich nitt on antwurt, by lyb. Salvi sitis omnes.
Tuus Bert. H.
[Adresse auf der Rückseite:] Heinrico Bullingero, Tigurino ecclesiastae, fratri suo charissimo.
