Empfiehlt den in Konstanz für aussätzig erklärten Stephan [...], den die Zürcher bereits mit einer Spende unterstützt haben. Zunftmeister [Ulrich von Wengi], der ihn zu einer Badekur schickte, zweifelt ebenso an der Diagnose wie verschiedene Heilkundige in Schaffhausen, Metz und Mülhausen. Trotz erfolgreicher Kur halten die zuständigen Krankenschauer jedoch an ihrem Urteil fest. Zwick bittet deshalb, dem Mann in Zürich oder anderswo in der Eidgenossenschaft zu einer Neubeurteilung zu verhelfen. Seine Frau ist in der gleichen Lage. Zwick möchte nochmals wissen, wieviel die Zürcher gespendet haben. Erkundigt sich nach Bullingers Urteil über Bucers Seelsorgeschrift, warnt aber vor einer öffentlichen Meinungsäußerung. Grüße.

Die gnad gottes sye mit uch.

Lieber her und bruder, zöger ¹ des brieffs ist der gut mann, der by den unseren des ussatz halb erkent worden ist ² und dem ir och ain stür ³ hie har geschickt habend, welche ich im och mittgetailt. Damit ir aber wissind, worum er yezund zu üch kome, so stat sin sach also:

Zum ersten ist er von etlichen des ussatz verdacht ⁴ worden, das er sich hat müssen schowen lassen. Zum anderen so ist er by den unseren gschowet ⁵ worden, das ist von den siechen 6 , und also dem ussatz zu erkent ⁷ ; doch ist by uns der bruch, das niemand dann die siechen schowend. Wie sy nun erkent, das er ussetzig sye, habend wir gar a ain gschickten scherer und zunfftmaister 8 ; der sagt b uns, er hielte in nit fur schuldig, dann es were ain rud von kelte ⁹ ; er sölte in ain bad ziechen, so wurde sin sach gwiss besser. Das ist bschechen. Zum dritten, wie er dahin zogen, ist er komen zu ainem juden zu Schaffhusen 10 , item zu dem schowmaister daselbs 11 , item zu dem schow

Wie er nun in dem bad gwesen und wider zu uns komen und alle ding anzaigt, och am lib ||⁵⁰ gantz glatt worden und die rud gar hingfallen ist, habend wir angelangt, das man yn doch wyter besichtiget hett. Also ist von unseren herren befolchen worden, das yn bsechen solten zwen doctores und zwen die furnempsten schouer ¹⁴ . Das habend sy thon und yn uff alweg ¹⁵ von ussen und ynnen durchs blut und sunst probirt und aber ¹⁶ ainhelliklichen gsagt, das sy gantz und gar kain ussatz an ym fyndind.

Uff sollichs habend unsere herren erkent, das er von den siechen widerum solle gschowet werden; doch hond sy ainen zu d ynen verordnet, der sy vermane, damit sy mit vlys und ernst schowind. Wie sy in nun widerum gschowet, habend sy in widerum siech erkent. Daby mus es nun by uns e der schow halb bliben 1 , dann sy habend ire bruch und gerechtikaiten; davon lassend sich die siechen nit triben.

Die wil aber die sach in ainem zwifel ston will und etlich sagend wys ¹⁷ , die anderen schwartz, so hat in fur gut angsechen, och unß etlich, das er sich etwan an ainem anderen ort g och schowen liesse. So verr nun ir by uch oder an ainem anderen ort oder zwayen in aignossen ¹⁸ wisstind, do man schowete, ist min pitt an uch um liebe willen, ir wellind ym daselbs hin hilfflich und retlich ¹⁹ sin. Darum wurt uch gott der her den lon geben.

Diss ist, das ich uch hab wellen von des guten manns wegen zu schriben.

Datum Costantz, 26. iunii 1538.

Tuus Io. Zwick. Wie es mit dem Steffano gangen, also ists och mit der frowen ²⁰ gangen.

||⁵¹ Item ich hab allerlay almusen gsamlet und alles in ainen seckel thon und bin irs ²¹ drin worden, das ich nit gwiss wais, was mir von yederman worden ist; bitt uch, lassend mich wissen, wie vil ir mir gschickt habind.