[1173]
Autograph: Zürich StA, E II 364, 47f (Siegelspur) Teildruck: Manfred Schuler, Ein Beitrag zur Biographie Hans Kotters, in: Die Musikforschung 22, 1969, S. 199, Anm. 14
Ambrosius [Blarer] ist zurückgekehrt, kennt aber den Grund seiner Vertreibung aus dem Gebiet [Herzog Ulrichs] nicht; sein Weggang dürfte die Lage der Brüder [in Württemberg] erschweren. [Hans] Kotter kehrt nach Bern zurück, ohne den Unterricht aufgenommen zu haben, da seine Frau [Anna Tschollier] unzufrieden war und er sich der Aufgabe nicht gewachsen glaubte; er wurde großzügig beschenkt, und Zwick macht ihm keinen Vorwurf doch der Aufbau der Schule ist damit vorläufig gescheitert. Ambrosius [Blarer]kann dem Ruf nach Augsburg jetzt nicht folgen. Grüße.
Salus et pax Christi.
Scis, Bullingere charissime, Ambrosium 1 rediisse salvum. Qua fortuna ex ditione principis pulsus, ipsemet nescit 2 , sed verendum est, ne illius abitus piis fratribus valde sit incommodaturus. Fiat autem voluntas domini; nostra ingratitudo meretur tales cruces.
| Briefe_Vol_08-216 | arpa |
|---|
De Cottero 3 , optimo viro, quid scribam? Iam parat abitum. Causatur aerem adversum, sed revera uxor 4 in causa est, quae illum turbavit miserrime. Deinde timuit forte, ne non sufficerent vires ad ferendos scolasticos labores, quos tamen adhuc non tentavit, quod scola hactenus non sit in ordinem redacta. Debuit autem redigi in classes a quatuor electis praeceptoribus quatuor; ipse vero classem legentium puerorum habuisset liber omnino ab omnibus b elementariis et iis, qui discunt literas nectere vel pingere. Intelligo autem bonum virum Bernae liberiorem fuisse nec astrictum ullis docendi aut gubernandae scolae legibus, quod nostri hic non ferunt. Uxoris ergo intollerabilis vexatio et laboris sive disciplinae scolasticae suspitio fecerunt, ut a nostris facultatem ad suos redeundi rogarit et impetrarit. Quaecumque vero illi hactenus stipendii nomine data sunt, ea omnia non solum non sunt ab eo repetita, sed viginti quoque aurei ex liberalitate a magistratu additi, a privatis vero sex. Sic abit bonus vir occasione data, ut scolae quoque consultatio hoc tempore in cineres redierit. Alioqui certe bonus vir est, in quo retinendo nihil non tentavi cum bonis, sed frustra. ||48 Haec c non tibi solum, sed Leoni 5 quoque et Megandro, denique Rhellicano scripta volo, quos meo nomine salutabis etiam diligenter.
Praeterea nihil habeo dignum scriptu. Ambrosius serio vocatur Augustam 6 , sed iam non potest fieri, ut morem gerat illis. Post hiemem quid futurum sit, novit dominus.
Vale cum bonis omnibus, uxore 7 cum primis, matre 8 et domesticis.
10. septembris 1538.
Tuus Io. Zvick.
[Adresse darunter:] Domino Hainricho Bullingero, observandissimo meo in domino fratri.
