Hat erst kürzlich geschrieben, will aber, wenn er schon Briefe schickt, Bullinger nicht leer ausgehen lassen. Erinnert ihn an die erbetenen Bücher und bittet um Zusendung seiner Laute. Schickt ihm eine selbstgebaute Armillarsphäre, die [Georg] Binder wieder zusammensetzen kann, und stellt weitere Sendungen in Aussicht. M[artin]Peyer hat sich nach Frankfurt begeben und wird von dort mit Philipp [Melanchthon] nach Wittenberg reisen; er grüßt Bullinger und läßt Froschauer bitten, ihm durch Moritz Goltz Zürcher Papier zu schicken; auch Myconius wünscht eine Lieferung. Grüße.

Gratiam et pacem a domino etc.

Quanquam non multis abhinc diebus literas ¹ ad te dederim, patrone charissime, nunc tamen alias his addere non piget, ne in tanto literarum mearum (quas nunc mitto) numero ² tu meis omnino careas. Pristina etenim tua erga me benevolentia et amor paternus, quo me prosecutus es praesentem, efficit, ut non dubitem, quin absentis literae tibi gratissimae sint.

Basileam me redusse rerumque statum prioribus literis exposui ³ , quare non operae pretium puto te harum rerum relatione diutius detinere. Hoc unum te obsecro (si modo, ut Basileae maneam, tibi animus est), ut Ciceronem meum aliaque, quae petii ⁴ ad me transmittas. , Cuperem etiam meam habere chelim ⁵ , si modo quis esset, qui aequo pretio hanc ad me transferret. Quirinus ⁶ fortasse onus hoc subibit.

Mitto hic tibi spheram armillarem, quam per otium, antequam Argentinam peterem, composui, quam iam dissolutam compingere potent Binderus. Mittam hac aestate etiam alia quaedam, si modo deus meis secundus fuerit studiis.

M[artinus] Beyer Frankfordiam nunc petiit ⁷ ; hinc cum Philippo Vitembergam abibit a8 . Hic abiens ab Argentina mihi scripsit ⁹ rogatque, ut suo nomine te plurima salute impertiam. Scripsisset ad te ipse, nisi pudor obstitisset. Iniunxerat idem mihi Argentinae ut Froschouero sen herein. ut optimae papyri, quam habet, ein rysen 10 Frankfordiam advehat ibique bibliopolae Mauritio Golz 11 eam tradat, ut Martino Witembergam deducat. Solvet is, quodcunque constiterit. Tu, queso, Froschouerum hoc roga; tuae enim preces plus quam meae proficient. Bätend inn allein, das er deß reinisten bapirs nemmy, so er hatt. Iussit b etiam Miconius, ut suo scribam nomine, ut etiam illi papyrus Tigurina advehatur.

Vale bene, pater observande, et Rodolphum tuum semper tibi commendatum habeto. Salutabis meis verbis matrem ¹² et uxorem ¹³ tuam cum universa familia.

Basileae, ex aedibus d. Myconii, 4. martii 1539.

Tui observantissimus

Rod. Gvalterus.

[Adresse auf der Rückseite:] Vere pio et erudito viro M. Heinrycho Bullingero, patrono suo imprimis colendo.