Hofft zusammen mit seinen Kollegen auf baldige Genesung von Bullinger, Leo [Jud] und weiteren Zürchern; Theodor [Bibliander] und auch Bullinger selbst, der kaum zu ersetzen wäre, sollten sich um der Kirche willen schonen. Verweist auf einen weiteren Brief der Neuenburger [Nr. 1622]. Die Reichsstädte bedauern die Uneinigkeit der Eidgenossen; sie selbst werden ebenso von den Fürsten und deren Verbündeten bedrängt wie die Eidgenossen vor

S. Doleo multo aliter, quam dici queat, propter te, Leonem ¹ et reliquos. ² Theodoro proxime scripsi ³ per Christophorum ⁴ et adhortatus sum ut antea saepe, sibi parcat propter ecclesiam, si aliter nolit; novi enim, quam in usum publicum libenter laboret, quare vellem, ut sui curam haberet talem, ut illud posset quam diutissime. Eius imbecillitas multis dolet fratribus, similiter et Iudae; precantur itaque, ut dominus ipsis adsit per omnia. De te equidem diutius ignoravi, quam par fuit; credo, quod nemo libenter me perturbare voluerit alioqui propter varios casus mundi perturbatissimum. Sed ago tibi gratias, quod de restitutione certiorem me reddideris, et precor una cum fratribus dominum, ut te in primis restituat in totum, prout haec tempora requirunt. Theodorum, si ego loco tuo essem, cogerem, ut valetudini suae diligentius provideret. Quid enim efficiet, si laborando se absumpserit? Te item velim admonitum, ut curam tui gereres diligentiorem propter miseram ecclesiam, quae adhuc est tam imbecillis. Si abires ad dominum, quisnam successurus esset? Habetis praeclara ingenio, non nego, verum ita carnalia, ut non videam, qualiter in tempestatibus spiritualibus possent perdurare. Dominus te protegat semper. Amen.

Novocomenses iterum a scribunt ⁵ ; quid sit, nescio.

Non dubito, quin scias, quo loco sint civitates imperiales et liberae; queruntur anxie apud se non esse concordes Helvetios, nescio quid tentaturae. Premuntur non minus a principibus electoribus quam populus noster olim ante foedera ⁶ . Adiungunt illi sibi pfaffos, monachos, monarchas (forsitan per dominum), ut clarius sit, quam civitates vilifaciant. Rumores feruntur, quorum author ego nolim esse.

Mitto orationem legati ⁷ , si forsitan non vidisti, ut scias conatum Galli ⁸ . Potest esse usui, si quis recte usurparit.

Ego abeo in aedem capitularem ⁹ , quare vale in Christo Iesu cum tuis, Theodoro, Pellicano, Leone, Gasparo 10 , omnibus. Fiat, fiat.

Basileae, raptim, 28. aprilis anno 1542.

Os. Myconius

tuus.

[Adresse auf der Rückseite:] Domino Heinricho Bullingero doctissimo, fidelissimo Christi ministro, in domino suo.