[1685]
Zeitgenössische Abschrift von unbekannter Hand: Zürich StA, E II 342, 108r.-109r. Gedruckt: Füssli I 215-220, Nr. 57
Wollte mit seinem vorausgegangenen Brief keine Debatte anstoßen, sondern nur den Briefkontakt
wieder aufnehmen, nachdem diesem nichts mehr im Wege stand; die in diesem Zusammenhang
angedeutete Kritik an Kunz' früherer Abendmahlslehre beruhte nicht auf Verleumdungen
seiner Gegner, sondern u. a. auf einer Schrift über das Abendmahl, die mit Kunz'
Wissen in Umlauf gebracht wurde, sowie auf der gezielten Verbreitung von [Bucers]Brief an
Comander in Bern; von diesen Dingen soll aber nicht mehr die Rede sein. Ist erfreut, dass
Kunz in seinem [Matthäus-]Kommentar nichts Schriftwidriges findet; hat Ausdrücke wie "unio
realis/sacramentalis" und "exhibitio" bewusst vermieden, da diese zu scholastischen Diskussionen
und Streit Anlass geben, und lehnt generell Begriffe ab, welche die Lehre verdunkeln;
verweist auf seine Auslegung von Mt 3, 11. Mit "Glauben" meint er immer den lebendigen,Briefe_Vol_12_236 arpa
wirksamen Glauben; dieser bewirkt allerdings nicht, dass Christus leiblich gegenwärtig wird.
Die Handlung des Abendmahls bezeichnet das, was Gott wahrhaft darreicht: die Gemeinschaft
des Leibes Christi und die Sündenvergebung, was bedeutet, dass die Gläubigen mit Christus
und miteinander zu einem Leib verbunden werden. Hinsichtlich des [Ersten Helvetischen]
Bekenntnisses und dessen Erläuterung [im Brief an Luther vom 12. Januar 1537] sind die
Entstehungsumstände zu bedenken; man hat sich damals vorbehalten, sich durch nähere Auslegung
gegen Missdeutungen zu schützen. Nachdem Kunz übereinstimmend mit [den Zürchern]
bekennt, dass Christus leiblich zur Rechten Gottes sitzt und im Abendmahl von den
Gläubigen nicht anders als geistlich genossen wird, wollen sie in Christus einig sein. Gruß an
Eberhard von Rümlang; entschuldigt sein eiliges Schreiben. Johannes Zwick ist der Pest
erlegen.
Gratiam et vitae innocentiam a deo patre per Iesum Christum, dominum nostrum.
Multis silentii mei causas non iniquas prorsus tibi, Conzene dilecte, exponere nolui, 1 ne amplam tibi occasionem subministrarem disputandi, explicandi expurgandique atque ita mihi quoque satis alioqui occupato onus imponerem respondendi. Simpliciter ergo, quod tunc volebam atque ambiebam, proposui paucis: cupere renovatum diu iam intermissum scribendi officium. Illud enim, quod literarum familiaritatem impediit et amicitiam nonnihil turbavit, sublatum esse e medio. Atque hic obiter adieceram visum te mihi hactenus satis perplexe loquutum de coena domini sacra etc. Atqui hanc tu literis tuis proximis suspitionem aut opinionem de te conceptam ex calumniatorum quorundam virulentis suggestionibus in me enatam arbitraris, maxime cum Tiguri coram audierim te veritatis sententiam diserte et syncera confessione proponere, quam approbarim a 2 . Caeterum ignoro, mi Conzene, quos habeas hostes aut calumniatores; meo certe animo calumniatorum aut hostium tuorum nullus calumniosam suspitionem de te insaevit. Iubeo itaque hic te omnino esse sequrum. Legi ipse libellum non ab hostibus, sed fratribus exhibitum et de coena domini non tuo quidem, sed laici cuiusdam nomine praetitulatum, 3 sed non praeter tuam conscientiam quibusdam communicatum. Novi praeterea Bernae circumlatam epistolam inscriptam Comandro 4 et contra me scriptam, nunquam tamen mihi missam, imo ne apud vos quidem omnibus, sed fidis modo amicis communicatam, ne efflueret mysterium, quam maximopere commendasti, cum non nescias, quid author eius epistolae de coena domini et de corpore domini in coelis scribat et sentiat. Quae non ideo scribo, ut quicquam huius tibi opprobrem, sed ut ex pauculis his intelligas, unde illud, quod de te scripsi in literis meis, hauserim, tuque suspicari et virulentis linguis irasci desinas. Nec cupio, ut
| Briefe_Vol_12_237 | arpa |
|---|
ad haec scrupulos respondeas. Quin, si me amas vere et synceram cupis inter nos amicitiam confirmatam, valeant haec omnia. Vetera enim illa sive ex iustis causis sive ex suspitionibus exorta refricare nolumus, sed orare potius dominum, ut, sicubi a nobis est peccatum, is condonet, qui pacem amantibus et ad se conversis totum sese offert.
Gaudeo autem plurimum, Conzene, nihil te in meis commentationibus reperisse, quod sanctarum scripturarum veritati et orthodoxae fidei intelligas absonum. 5 Et certe simpliciter et bona conscientia de hac sententiam meam dixi ex animo ita credens, sicut ore palam sum professus, et arbitror omnia me dixisse, quae ad iustum et moderatum sobriumque huius rei intellectum pertinent. Data vero opera nihil dixi de unione vel reali vel sacramentali aut de exhibitione 6 similibusque rebus, quae mea quidem sententia videntur simplicem auditoris mentem implicare magis quam explicare, adeoque cuperem aliquot huius generis voces nunquam illatas esse in sacrum hoc negotium. Nam exoriuntur e voce unionis quaestiones scholasticae rixosaeque innumerae, quemadmodum et exhibendi vox videtur commixtionem nonullam[!] inducere inter signum et rem signatam, adeo ut ||108v. non nisi exercitatissima ingenia, quid dicatur et quomodo capiendum negotium, intelligant. Censeo autem abstinendum esse tam a vocibus quam sententiis non in hac tantum causa, sed in quovis fidei doctrinaeque de salute nostra negotio, quae vel dubium vel obscuritatem inducunt. Equidem video veteres non abs re cavisse, ne in hac causa ministerium cum potestae commisceretur, signum cum signato. Cuius quidem rei memini et in 3. cap. Math., ubi explico Baptistae verba: "Ego quidem aqua vos baptizo" [Mt 3, 11] etc. 7
Porro, quoties de fide loquor, fidem intelligo veram, vivam, efficacem, operantem, non torpidam, inanem, stolidam. Nam dominus ait: "Qui edit me, vivet et ipse propter me"[Joh 6, 57 (Vulg. 58)]. Edit, qui credit; 8 "iustus ex fide vivit" [Gal 3, 11]. Item: "Qui manet in me et ego in eo, hic fert fructum multum"[Joh 15, 5]. Manet in Christo, qui spiritu dei doctus Christo fidit et verbo eius credit; is certo operatur bona opera. Unde fides non est vana speculatio et nuda cogitatio, sed operatio quoque viva et efficax. Interea non efficit illa, quod quidam ei nostra aetate et soeculo[!] tribuerunt asserentes fide praesentari corporaliter, attamen invisibiliter, ipsum dominum. Unde nihil mirum est, si reperiantur fratres simplices et veritatis studiosi, qui abhorrent a nimiis illis fidei praeconiis semper metuentes, ne quid
| Briefe_Vol_12_238 | arpa |
|---|
alienum a natura fidei immisceatur et improvidis propinetur. Profecto sicut fidei iustas vires et iustam laudem nemo bonus extenuat, ita nihil alienum eidem tribuit. Fide in dominum iustificamur, fide edimus corpus domini et bibimus sanguinem vere. Sacramenta exercent hanc fidem, admonent atque testantur. His non oportet nimium tribuere aut affigi, sed per ipsam ad altiora transcendere etc.
Probe autem sibi congruunt, Conzene, cum dico panem et vinum signa esse, rem vero communicationem corporis Christi sive remissionem peccatorum aut ipsum corpus et sanguinem, 9 quae ideo ponuntur, quia ipsis nobis parta est societas cum Christo et remissio peccatorum. Significat actio coenae fideles Christo fide coniungi et charitate cum omnibus sanctis, qui sunt corpus Christi, cum quo et cum sanctis omnibus communicationem habent fideles. Et quamquam communionem hanc significet, non exhibeat - idest conferat - coenae actio, fideles tamen, qui vera fide coenam peragunt, concorporantur Christo et sanctis non putative, sed vere. Confert autem sive exhibet illud deus fidei donum praestans, cuius benefitio filii dei et concives sanctorum sumus.
De confessione et declaratione confessionis Basileien[sis]b 10 sum plane sequrus; scio enim, a quibus et quem in finem sit scripta 11 et quod modis omnibus retinuimus nobis liberam, iustam et sobriam interpretandi facultatem, si quis nobis nostra aliter explicare et alio abstrahere conaretur, quam institueramus. Sed de his prolixius ago, quam institueram.
Bene habet res, Conzene, frater dilecte; tu nobiscum confiteris et doces Christi corpus sedere ad dextram patris neque unquam nisi ad iuditium venturum in mundum adeoque agere illum in coelo ut loco certo propter verum veri ||109r. corporis modum, interea fide ipsum edi et bibi in ecclesia a sanctis, qui verbo eius credunt ac sacramentis participiant, adeo ut plene perfruantur Christo et vivant in eo, sicut ipse vivit in ipsis, spiritu, non carne, potentia et virtute, non invisibili ratione et miraculose praesens c . Christum enim per fidem inhabitare in cordibus nostris et sacramenta testari, exercere, admonere ecclesiam etc. Simus ergo concordes in domino et pura eius veritate omnia nostra conferentes eo, ut concors ecclesia floreat tandem et cum Christo regnet. Dominus Iesus servet nos omnes spiritu et gratia sua. Amen.
Eberhartum a Rümlang diligenter salutabis. Parce, quaeso, cacographiae; nam festinanter scripsi.
Tiguri, 30. octobris anno 1542.
| Briefe_Vol_12_239 | arpa |
|---|
Superioribus diebus concessit ad dominum peste extinctus vir incomparabilis dominus doctor Ioanness Zviccius. 12 Dominus servet ecclesiam suam!
H. Bullingerus tuus.
[Ohne Adresse.]
