Empfiehlt erneut [Martin?] Rischacher, der sein Studium wieder aufnahm, nachdem er das Schneiderhandwerk, zu dem ihn sein Vater gedrängt hatte, wegen der Augen aufgeben musste. Durch das Elsass ziehen eidgenössische [Söldner], obwohl Kaiser [Karl V.]und [König Franz I.]noch keinen Frieden geschlossen haben; ein gewisser Edelmann ist sehr betrübt, dass der Kaiser noch nicht König von Frankreich wurde.

S. Hic est, quem nuper tibi commendaram, 1 iuvenis, filius inquam Alexandri de Rischach ² . Ab initio dedit operam literis; impense gravantes patrem impulerunt, ut doceret artem sarctoriam. Hanc dum probe didicisset, dimisit Argentinam, ut laboraret. Ubi dum aliquandiu fuisset, oculi laborem ad lumen renuerunt; nam sicut pater oculos habet lusciosos et hac ratione rediit ad literas, quas nunquam reliquisset, si non coactus fuisset patris sequi consilium. Tu, quaeso, quod in te est, iuvenem habeas commendatum. Dixi d. de Rischach ³ , quo animo hac in re ipsi inservieris; agebat et nunc agit tibi gratias quaerens, ut intelligas aliquando, quanti te tuumque favorem faciat.

Transeunt Confoederati ⁴ per Alsatiam, mirum quod tam temere, cum non audiam pacem esse factam inter caesarem ⁵ et Gallum ⁶ . Est vir nobilis ⁷ circa Basileam, qui supra modum vexatur melancholia, quod caesar ante nativitatem domini non est factus rex Galliae.

Vale per Christum cum tuis.

Basileae, raptim, ante lucem, 4. decembris anno 1543.

Os. Myconius

tuus.

[Adresse auf der Rückseite:] D. Heinricho Bullingero doctissimo, in domino venerando suo. Z[ürich]b .