Trebellio, der nie daran gezweifelt hat, dass Peter Martyr [Vermigli]Bullinger am Herzen liegt, ist nun gänzlich davon überzeugt. Vermigli, der für Trebellio wie ein Vater ist, hat diesen in einem Brief [nicht erhalten] gebeten, ihm die Briefe der Zürcher oder Bullingers weiterzuleiten. Trebellio bietet Gleiches auch Bullinger an. Er schickt nun einen Brief Vermiglis [Nr. 2191], mit dem dieser den Vorwurf der Nachlässigkeit aus der Welt schafft. Dass Bullinger Vermigli verdächtigt hat, bedauert Trebellio nicht, insofern es erfreulich ist, dass Bullinger [dadurch zum Ausdruck bringt, dass er] Vermiglis Dienst beansprucht. Bullinger soll [den Unterbruch des Briefverkehrs] eher der Treulosigkeit der Boten zuschreiben, als dabei den so zuverlässigen und ihm geneigten Vermigli zu verdächtigen. Trebellio versichert Bullinger seiner Zuneigung. —Grüße an [Konrad]Pellikan, [Theodor]Bibliander, [Rudolf] Gwalther und die übrigen Brüder.

S. a domino Iesu Christo.

Petrum Martyrem 1 , Italum nostrum, tibi semper charissimum esse licet nunquam dubitaverim, nunc tamen nescio quid momenti accessit, quo mihi in posterum omnem dubitandi facultatem sublatam esse video. Mirifice enim oblectatus sum a ipsius Petri literis ² quibus me monitum voluit, ut, si quid a te vel a Tygurina ecclesia literarum ad illum daretur, id ego pulchre curatum vellem; qua quidem in re ut in nulla alia meum officium huic viro, quem parentis loco habeo, negare nequaquam possum. Sic tibi quoque eadem et fide et animi alacritate polliceri illud idem placuit. Mitto itaque ad te literas 3 . quibus ipse (ut arbitror) negligentiae nomen dissolvit, quo illum tibi suspectum fuisse minime doleo, quandoquidem eius officium a te requin iucundius fuerit quam molestum accusari. Caeterum tabellariorum perfidiae id potius adscribas, rogo, quam de tam candido viro tuique amantissimo quicquam minus candide suspicari velis. Quod ne posthac contingat, ad me literas eas perferrendas curabis, quas Argentoratum transmitti volueris. De me vero illud tibi promittas velim, quod de bono ac tui studiosissimo viro promittendum censes; vincam, mihi crede, officiis meis cogitationes tuas ⁴ Bene vale, pastor sanctissime.

Salutabis, quaeso, meo nomine emeritum patrem Pellicanum, doctissimum Bibliandrum simul ac eruditissimum Gvalterum cum reliquis sanctae ecclesiae vestrae fratribus, quos dominus deus confirmet verbo et spiritu oris sui. Amen.

Basileae apud Episcopium, ⁵ pridie kalendas augusti 1545.

Tuus ac totius Tygurinae ecclesiae servus

Theodosius Trebellius Italus.

[Adresse auf der Rückseite:] Sanctissimae Tygurinae ecclesiae pastori, d. d. Heinriko Bulingero, mihi in primis observando. Tigurum. Zu Zürik.