Berichtet von einem Gerücht, wonach die V Orte im Kriegsfall nur zum Schein Zürich angreifen würden, um dann die Gebiete der zu Hilfe eilenden Verbündeten um so leichter überfallen zu können. Feindliche Propaganda. Unter den einflußreichsten Zürchern gibt es Gegner des Evangeliums, was die Verbündeten abschreckt. Als Beispiel nennt Myconius den Clodius [Klotz Escher]. Bullinger soll sich die Sache gut überlegen.

S. Proditiones ecce quid faciant. Admonentur Bernenses, ut sibi caveant. Nam belli rationem hanc esse: Ubi res ad bellum pervenerit, impetus primus sit contra Tigurinos absque damno, tamen ut illis Tigurinos auxilio levantibus aliunde hostilis in ditionem ipsorum irrumpat exercitus, cui deinde non queant satis opportune resistere. Hoc ita conqueruntur boni viri, tanquam ex composito fiat tuis consciis. Ad suspitionem facit, quod nihil hi de rebus praesentibus cum illis agunt etiam provocati. Nobis profecto de tuis tantum nephas nemo persuadebit, sed illud facile esse ex vestris, qui talia struant, ut dissidii umbram verum faciant dissidium, ut nos distracti sub iugum pertrahamur sine labore. Non igitur sine causa scripsimus nuper ¹ aeque cavendum vobis ab hostibus domesticis atque ab extraneis. Interim enim dum id negligitis, illud scito, civitates multas amiciciam vestram plus quam horrere, quae alioqui nihil magis peterent quam se et sua pro vobis, dum evangelii tuemini iustitiam exponere. Quis se libenter adiungeret eis, quos novit pessimos quosque inter summos habere? Nondum excidit, quod anno superiore ab istis paratum accidit ² . Vulnus adhuc crudum vehementius profecto dolet, quam ut istorum conatum, sed quid dico conatum, opus pravum et crudele posthabeant. Horrent nominatim quosdam,

Vale per dominum cum tota republica tua etc.

27. ianuarii anno 1533.

Rescribito.

[Adresse auf der Rückseite:] Her Heinrich Bullinger zu Zürich, sinem besunderen gunstigen fründ. Zürich.