Nüws, so ich sidhar vernommen, ist dises:

Es hatt hertzog Moritz etlich hußern ¹³ (licet ¹⁴ levis armaturae equites ex Hungaria) ghept zu Tresen ¹⁵ . Do hatt der churfürst bis in 60 profanntwegen wol deckt laßen rüsten und voll hackenschützen setzen, und nitt wyt von Tresen laßen hinziehen, welches die Hußeren gewar worden. Und als si hinus gfallen ¹⁶ und die profant wellen rauben, ist die profant läbendig worden, und habend ir bis inn 400 erlegt, die übrigen schandtlich darvon gflohen.

Der churfürst, marggraff Jochim von Brandenburg ¹⁷ , hatt hertzog Montzen zugschickt 500 pferdt. Und als si litt wyt von Wittenberg zogen, ist der zusatz 18 zu Wittenberg herus gfallen und si all erlegt.

Martin von Roßow ¹⁹ , so ein eignen huffen ²⁰ furt dem keiser ²¹ , hatt die statt Minden durch hilff deß radts zu Minden ingnom. Als er aber, wyters zu handlen, mitt allem volk dannen zogen, ist die gmein in der statt ufgsin ²² und die fürnempsten deß radts köpft und als ²³ , was keiserisch ist gsin, uß der statt gschlagen.

Ein Augspurger ²⁴ , so zu Hamburg ist, hatt har gschriben, wann er dinnen ²⁵ nitt so wol bekant und verwant wer, wurd er zdodt gschlagen, so find ²⁶ sye jederman den Augspurgeren und Ulmeren!

Von Straßpurg schript man, das herr Jacob Sturm vor der gmein nitt dörff uff die gaß gan. ²⁷ Die stett mußend jetz dem keiser vil gschütz gen ²⁸ .

||2814v. Zu Franckfurt habend etlich deß radts etwas verretery angricht, man sagt, dem landtgrafen ²⁹ die statt zu übergeben. Deß ist der von Büren ³⁰ , so darinn ligt, gewar worden und bis inn 16 deß radts gfangen. Was gehandlet werd, ist ungwüß. Man hatt daruff hie und in anderen stetten die wachten gesterckt.

Es hatt auch der oberst ³¹ , so hie ligt, den burgermeisteren ³² ins angsicht gsagt, es thüy nitt güt: der Schertli und si liggend noch under einer decki! Er ist jetz zweimal an miner predig gsin. Klagt nüt, dann ³³ das ich ein Schwytzer bin. ³⁴ Sin pfaff ³⁵ darnebend ³⁶ halt dapfer mäß. Gat vil volks zu imm. Ich sorg, man werd imm in kurtzem ein kilch ingen ³⁷ .

Ich schrib minen herren ³⁸ litt gern, damitt man mirs nitt aber ³⁹ rechne wie vor ⁴⁰ . Welt gern, si thetind sonst als vätter, bewartind ir und unser eer, und so sich gelegenheit zutrüg, uns beschicktind ⁴¹ . Ich wil lieber hie eerlich sterben, dann mitt schanden heimkommen. Mine jar ⁴² sind bald us. Dann könnend si mitt güten fügen ⁴³ mir und men helffen. Ich weiß vil redlicher lüten, die do turet das ich mich also under disem volk lyden ⁴⁵ . Meinend, ich hab meer fryheit hinzuziehen, dann ich hab. Ich befilchs glich dem herren. Bschickend mich mine herren, so fröwts mich; wo nitt, so geb mir nun gott gnad, min ampt mitt allen trüwen zu verrichten bis ins end. Wenn ich mee ⁴⁶ minen herren schrib, so sol es ein gwüß zeichen sin, das es ubel umb mich stat.

Das der künig von Franckrych ⁴⁷ tod sye, ist gar gmein ⁴⁸ . Wundert mich, das ir nüt darvon gwüßt hand, als ir den nechsten ⁴⁹ brieff gschriben. ⁵⁰

Frechtus ⁵¹ schript uns, das die sag sye, der papst ⁵² sye dodt und werde unser bischoff von Augspurg ⁵³ geforderen zur wellung ⁵⁴ . An dem sol nüt sin, wie ir mir schribend ⁵⁵ , von den 7'000 Italieneren. Man hatt hie schriben von Venedig, Genua, Mantaw, Mailand und Parma: Wirt sin ⁵⁶ aber in keinem gedacht.

Den keiser sagend etlich, noch zu Eger sin, ⁵⁷ etlich, das er profannt halb, diewyl imm die Behem ⁵⁸ nüt lassend zugan, hinder sich ruck wider uff Regenspurg. Ich glaubs aber nitt, dann ⁵⁹ die keiserschen gebend unerhört lugen uß, ir sach ettlichermaß zu schönen.

Das decretum sextae sessionis concilii Tridentini "De iustificatione"ist zu Venedig truckt. ⁶⁰ Hab ein exemplar gsehen, mag mir aber sonst keins werden. Ist eben eins von Padua ||2815r. hargschickt. Frechtus schribt, das sibend

"De sacramentis" sye auch verhanden. ⁶¹ Ich habs aber nitt gsehen.

Naogeorgus ⁶² scripsit eruditissimum carmen de novo papatu, Lutheranorum videlicet. Quamprimum mihi data fuerit describendi facultas, mittam. ⁶³

Non memini praeterea me quicquam habere novi, nisi quod Musculus ⁶⁴ et Cellarius ⁶⁵ maximas vobis habent et agunt gratias, quod ita offertis vestra ipsis officia, ⁶⁶ idem vobis, si ita contingeret (quod deus avertat!) praestaturi.

Salutant vos fratres omnes, maxime Lepusculus ⁶⁷ et Romanus ⁶⁸ . Si vos quid novi habueritis, facite me certiorem; varia ehm de Helvetiorum apparatu dicuntur. Omnes ex me certa audire cupiunt. Rogo ergo, ut ex vobis habeam, quae aliis dicere possim. Salvos etiam omnes vos cupit d. Xystus ⁶⁹ et d. Nicolaus Maior ⁷⁰ , quibus nunc in eodem cohabito collegio. ⁷¹ Saluta meo nomine fratres et patres una omnes. Cuperem a d. Pellicano et d. Theodoro ⁷² etiam aliquando vel unam saltem habere literam, si literas scribere non vacet. D. Gessnero dicas, quaeso, mihi magnam esse spem impetrandi Philonem Graecum ex bibliotheca. ⁷³

Vale. 19. aprilis 1547 Augustae Vindelicorum.

Iuvenes illos, per quos has tibi mitto, commendo tibi. Sunt ecclesiae nostrae alumni et stipendiatae. Tubingam eos erant missuri, sed impetravi una cum Xysto apud scholarchas, ut Basileam mittantur. ⁷⁴ Tigurum misissent, nisi illi, ut iuvenes solent, libentius primo in academia publica versarentur. Es facht ⁷⁵ inen an, die wittenbergisch schwermery redlich erleiden ⁷⁶ . Gott sy glopt, wiewol wir nitt gar rein sind.

[Adresse auf der Rückseite:] Clarissimo praestantissimoque viro d. Heinrycho Bullingero, Tigurinae ecclesiae summo antistiti, domino et patri suo observando. Zürich an m. Heinrych Bullinger. ⁷⁷