Bedankt sich für Widmung und Zusendung des Manuskriptes von Bullingers Schrift «De origine erroris in divorum ac simulachrorum cultu», das er nun zurückschickt, gibt Ratschläge zur Drucklegung und betont seine Freundschaft mit Bullinger.

Gratia tecum.

Remitto ad te librum ² illum tuum quidem, sed iam meum quoque factum tua dedicatione, charissime Heinryche, simul ac gratiam habeo diligentiae tuae non meo solum, sed omnium pie studiosorum nomine, quos tibi, mihi crede, tam sancto labore singulari quodam beneficio unice devinxisti, tametsi prius quoque devinctissimos. Ego profecto, posteaquam hunc magna voluptate et aviditate pellegi, non dignum modo, sed necessarium propemodum iudicavi, qui omnium manibus versaretur, quandoquidem hinc plane intelligent vel simplicissimi, in quam caducum murum inclinent isti quidam impudentes et inepti vetustatis iactatores, qui se putant a omnium errorum suorum felicissimum patrocinium ab illis petere posse, qui Christi et apostolorum temporibus — — —p[rox]imiores [?] b fuere, cum re diligentius perpensa adeo nos non premat illor [ um au]thoritas c , ut consentiat etiam nobiscum doctrinae ipsorum veritas, unde multa et inevitabilia tela in adversarios mutuemur. Fac igitur maturetur utilissimi libri omnibus profutura editio, nam quod ad typographum adtinet d , non inviderem ingens hoc lucrum Spitzenbergio ³ nostro, nisi multorum magis quam sui unius rationem haberem. Formulas habet parum elegantes, quarum hic ad te specimen mitto, praeterea hebraicis ac grecis characteribus omnino destituitur, et quanquam meditatur iam instructiorem officinam, incertum est tamen pro hominis infelicitate, quando illa paretur. Nolim vero sui [!] compendii causa tot studiosorum expectationem diutius remorari, sed liberum tibi facio, ut vel Wolfio ⁴ vel alii cuipiam librum hunc quamprimum excudendum committas, modo emendatior prodeat quam superior ille ⁵ , qui tua recognitione e opus habuit. Caeterum, mi