Klagt darüber, daß das Evangelium bisher so wenig Früchte getragen hat. Laut einem Brief Capitos haben die Anhänger von [Melchior]Hoffman in Straßburg großen Einfluß erlangt; das Eindringen von Täufern in das Haus eines Angehörigen der Familie Mieg scheint ungestraft geblieben zu sein, während sich [Bucer und Capito] stattdessen um fremde Angelegenheiten kümmern. Capito hat auch über die Täufer in Holland und Münster berichtet; da die Täufer sich auf Gott berufen, scheuen die evangelischen Mächte vor hartem Durchgreifen zurück. Der Kastellan von Musso soll die Frau des Herzogs von Savoyen entführt haben.

S. Siles tam diu. Quid causae potest esse? Fortassis ea, quae et me torpore nescio quo degravat et tantum non opprimit, rerum inquam status tam miser. Evangelium iam a multis annis ceptum adeo nihildum fructificat, ut in deterius fere labatur in dies.

Scribit Capito 1 Hofmannicos ² partem bonam suorum occupasse. Vide incuriam praefectorum rerumpublicarum! Exemplum possum dare: Civis est Argentinensis admodum dives, interim tamen, ut audio, pius; Müy cognomentum est ³ In eius aedes nuper sex illius haereseos viri absente ipso intrantes petunt ab uxore cibum, et dum haec diceret se nihil habere parati, subiiciunt: "Si soror es, cibum non recusabis." Ut igitur vidit, quo animo adessent, vocat vicinos. Per hos factum, ut isti denuo exirent, quamquam non multo post marito iam praesente redeunt et itidem petunt. Adeo impudentia prehendit. Verum etiam tum eiecti sunt vacuo ventre. Hoc nefas ecce non audio puniri. Vagantur verbi praesides interim in rebuspublicis alienis, tanquam domi nihil sit prorsus agendum ⁴ .

Scribit idem Capito haec verba: "Miri rumores de novo regno externo apud Hollandos ⁵ . Illud pro certo accepimus, Monasterienses etiamnum se propugnare fortissime. Caeterum quicquid de anabaptistis referatur, quia deum factis suis praetendunt, tam video potestates evangelicas terreri, ut manus miicere non audeant, ne sanguine divorum contaminentur. Ad preces video confugiendum unice devotas et fideles."

Praeter haec audi, quod delectabit. Dixit mihi Bernensis quidam ⁶ , affinis meus, Mussensem latronem illum abduxisse furto uxorem ducis Sabaudiae ⁷ . Egregium nuncium profecto, si verum.

Bene vale cum tuis et Utingero.

Basileae, 7. iunii anno 1535.

Os. Myco. tuus.

[Adresse auf der Rückseite:] Domino Heinricho Bullingero, ecclesiastae Tigurino, suo.