Kann bezüglich einer Zusammenkunft noch nichts versprechen. Dankt für die Schriften Melanchthons, möchte aber nicht Stellung dazu nehmen. Ist sich im unklaren über die von Capito angestrebte Neuordnung der Kirche und wendet sich gegen eine Konkordie mit den Katholiken, da gegenseitige Anerkennung ausgeschlossen ist und das Reich Christi auch ohne eine solche Übereinkunft wächst.

Gratiam et pacem a domino.

De conventu ² in praesenti, observande Capito, nil certi b polliceri possum. Negotium ad multos pertinet, ego privatas modo epistolas scribo. Habebitis fortasse certiorem brevi responsionem. Verum nihil polliceor, ne spe mea frustratus inconstantiae postea insimuler.

Pro libellis Philippi ³ maximas tibi gratias ago. Hos cum nondum legerim cum iudicio, nil pronuncio; cursim perlegi. Disco autem indies circumspectius pronuntiare.

De oeconomia ecclesiastica constituenda non intelligo, quid velis ⁴ . De concordia cum pontificiis ineunda non placet consilium. Isti non recipient nos neque tales sunt, ut nobis recipi possint. Monarchia pontificis antichristi regnum est. Missis perdunt c sanguinem et redemptionem Christi, invertunt institutionem Christi. Idolis abutuntur ad idololatriam. Divorum cultus est Christi et dei contemptus. At in his non recipient ullam moderationem neque nobis liberum permittent ita de istis loqui et docere ut hactenus. Crevit hactenus sine talibus concordiis regnum Christi, crescet porro multo validius, nisi nos tales esse velimus, quales fuimus hactenus.