[Die Berner Pfarrer] haben sich beim Rat wegen der ohne ihr Wissen erfolgten Berufung [von Sebastian Meyer] aus Strassburg beschwert; der Rat hat versprochen, ohne ihre Zustimmung niemanden einzusetzen, behält sich jedoch vor, selbst nach geeigneten Kandidaten zu suchen. Megander hält dies für die Sache der Pfarrer und bittet um Stellungnahme. Grüsse. Die übrigen Briefe sollen verbrannt werden.

Gratiam a domino.

Fratres charissimi, senatum hodie nostrum convenimus graviter conquerentes vocandorum ministrorum morem parum recte per hoc esse servatum, quod praeter voluntatem ac scitum nostrum Argentinam pro quopiam miserint 2 , scire igitur cupientes, num morem hunc, quemadmodum ab apostolis est institutus, a primitiva et nostra ecclesia iandiu servatus, posthac ita observatum velint necne. Respondent se absque nobis ullam apud ecclesiam praeficere neminem, neque, quod Argentinam scripsere, hoc nomine factum, ut apud nos ita fieri velint; imo morem hunc servatum iri. At de viris doctis ecclesiae nostrae aptis ut inquirant, hac ecclesiae constitutione eis prohibitum non esse. Atque ita, ut verbo dicam, eo negocium ventum est, quod sine nobis neminem praeficere promittunt, sed pro doctis laborare eis licere, imo decere magis; id quod nobis plane ordine inverso agere videtur. Nam quod nostrum est, hoc sibi usurpant ac tribuunt. Nostrum enim est de doctis investigare et, si quos invenerimus, eis tanquam ecclesiae adprobanti offerre ac insinuare. Quare adhuc dubius in arena hereo. Consulite igitur vel hoc vel aliquo alio certo nuncio ³ .

Bernae, marcii 6.

Salutate Theodorum ⁴ , Pellicanum, custodem ⁵ et fratres omnes.

Comburantur reliquae literae, obsecro plurimum.

Megand. ex animo vester.

[Adresse auf der Rückseite:] Fratribus suis Tigurinis Leoni ⁶ et Bullingero in domino charissimis. Zurich.