[Hans Varnier]überbringt mit dem Brief ein Exemplar des in Ulm gedruckten Dialoges, den [Johannes] Sinapius an Frecht geschickt hat. Teilt die von Bullinger geäußerten Befürchtungen; am Bundestag in Eisenach sollen die Schmalkaldener einen Friedensvertrag mit dem Kaiser - vermittelt von Pfalzgraf [Ludwig V.] und Markgraf [Joachim II.] - behandelt haben. Man sagt, daß die Türken Ungarn erobern werden. König [Franz I.] von Frankreich soll zur Jagd in Brüssel sein. Der Ulmer Rat hat den Schulverordneten geboten, ihre Beschwerden gegen [Kaspar] Schwenckfeld, der die Lehre von der Ungeschaffenheit des verherrlichten Christus verteidigen will, und [Sebastian] Franck schriftlich einzureichen; erhielt von Bucer ein verderbliches Büchlein Schwenckfelds über die Sakramente, und in Frankfurt soll Francks "Germaniae Chronicon" schon gedruckt sein. Möchte wissen, ob Jud für eine Berufung nach Ulm bereit wäre. Grüße; konnte [Konrad] Pellikan noch nicht antworten.

Salutem in domino, Bullingere observande.

Preter expectationem tam subito hinc ad vos proficiscenti typographo nostro ¹ volui breve hoc epistolium ad te perferendum committere. Qui etiam dialogum a Sinapio nuncnuper mihi missum ² et hic tametsi incuriose excusum reddet ³ , aereum scilicet pro aureo ⁴ ; nunquam enim mihi excidet vere aureum illud tuum donum nuper mihi transmissum ⁵ , pro quo nunc summas denuo ago gratias relaturus, ubi a occasio dabitur.

Caeterum, quod scribis adversarios monstrum alere ⁶ , non omnino falleris; quid enim aliud agerent isti monstripari ⁷ ? Putassem autem illud, quicquid est monstri, proxima Isnacensia comitia ⁸ detexisse; sed nihildum certi potui cognoscere. Iustus Menius, qui Isenaci episcopatur, ad me cum legatis nostris 9 scripsit ¹⁰ omnia inter solos proceres tanto acta esse silentio, ut nemini ne Greek quidem ¹¹ licuerit audire. Hoc solum plerique mussitant illic peractum, ut caesar ¹² certam et firmam pacem evangelicis ordinibus confirmet.

Iam constans fama spargit Turcam in armis esse et utramque Pannoniam vexaturum ¹⁴ ; alii aliter hoc interpretantur.

Iam Augustam hisce diebus ex Inferiore Germania audio perscriptum esse Gallorum regem ¹⁵ securum venari Bruxellae. Oremus dominum, ut in istis bellorum rumoribus ecclesiae suae pacem conservet.

Scripsi nuper ad te de Schwenckfeldio, hospite Ulmensi, et Franco, cive ¹⁶ . Senatus scholarchis iniunxit, ut, quicquid in illis sectariis desideremus, in scriptis offeramus ¹⁷ ; id nunc satagimus praestare. Tu ad hanc rem etiam aliquid facere posses. Schwenckfeldius hoc insolens dogma cogitat acriter defendere: Christus in gloria ut homo non est creatura. Misit Bucerus noster ex Argentina a Schwenckfeldio compositum de sacramentis libellum ¹⁸ satis pestilentem. Francofurdtiae Franci Chronica de Germanorum, praecipue Svevorum et Ulmensium rebus gestis audio excusa iam esse ¹⁹ ; miser ille rhapsodus ut Esopicus graculus alienis plumis se venditat ²⁰ .

Obsecro rescribe, presertim de Leone ²¹ , an ab ipso possit impetrari, ut semel huc vocetur ²² ; nostri mira habent consilia in mutandis ministris ecclesiae, vocandis et ablegandis.

Salvos cupio omnes symmystas, inprimis venerandum Pellicanum, cuius piis et eruditis literis ²³ nunc non licuit respondere; ob id excusari illi cupio. Bene vale, Bullingere observande, et me tui amantissimum redama, ut soles.

Raptim, Ulmae, 27. augusti 38.

Martinus Frechtus.

[Adresse auf der Rückseite:] Eximie pio et docto d. Heinrycho Bullingero, Tigurinae ecclesiae antistiti fidelissimo, domino et fratri observando.