Hofft, dass Bullinger und dessen Familie wohlauf sind; Hochholzer ist [mit Johannes Pontisella] in Frankfurt eingetroffen; in Basel und Straßburg wurden sie von den anwesenden Gelehrten, v. a. von Wolfgang Capito und Jakob Bedrot, freundlich empfangen, Martin Bucer hingegen war abweisend. Christoph Rotacher begleitet sie auf Rat von Myconius; Rotacher wird das Mädchen [Barbel Esslisperg] zwar nicht heiraten, aber vielleicht für ein Kind sorgen müssen; das Gerücht, er habe eine andere geheiratet, ist falsch. Die Pläne hinsichtlich ihres Aufenthaltes in Marburg sind noch unklar; über den Winter wollen Hochholzer [und Pontisella] gerne in Marburg bleiben, wenn nicht auch dort die am Rhein grassierende Pest ausbricht. Christoph Froschauer hat ihm 14 Gulden übergeben, die Bullinger oder Johann Jakob

S. Si vales recte cum omni tua familia, pater colendissime, pervolupe est. Socius quidem meus 1 et ego valemus. Frankfordiam pervenimus satis faeliciter, postquam diu in itinere moram traximus. Adivimus Basileae et Argentorati doctos singulos, qui omnes nos humaniter tractarunt, polliciti sunt suam operam promptam, in primis Basilienses, nec minus d. Capito et Bedrottus Argentoratenses (Sturmius ² enim aberat) magnam prae se ferebant benevolentiam, excepto Bucero, quem ante aedes stantem, cum d. Bedrotto accessimus, salutavirnus; tum Bedrotto dicente nos esse Tigurinos, et nobis idem affirmantibus, salutantes quam fieri potuit officiosissime vix resalutabat, in aedes ingrediebatur, forsan occupatus quibusdam negotiis, relinquens nos, quos vix uno atque altero verbulo resalutaverat.

Iam ad nostra revertor: Christophorus Rotacher nobiscum proficiscitur ex consilio Myconii, liberatus ab ea prorsus, quam viciavit; infantem forsan alere cogetur, ipsi tamen non est iure matrimonii obstrictus, nam non fidem a dederat puellae. ³ Praeter hanc non aliam duxit, ut fama Tigurum pertulerat. ⁴

Marpurgum iam una petimus, inde diligenter brevi, quo pacto res nostrae sese habeant, cognosces. Nunc enim ipse quoque nescio, quo pacto sese hinc habiturae, bene tamen, nisi me spes fallit. Marpurgi per hyemem mansuros decrevimus, nisi et illic pestis sevire caeperit b . In omnibus enim locis per tractum Rheni, ad quae hactenus devenimus, aliquas vires exercet c .

Christophorus Froschouer mihi dedit 14 aureos, quos a te vel a d. Ammiano scolarcha ⁵ recipiet. Ni enim fallor, facile ei pro his satis fiet, si triticum, quod ad me pertinet, vendatur atque stipendio addatur. Frugi nos erimus, quoad mentis compotes fuerimus. Videmus enim etiam nunc in primo limine, quam multis sit opus. De me id habeo polliceri in omnibus me ita acturum, ut tu, pater observande, et alii velle videmini.

Vale in domino et me ex patrocinio tuo nunquam repellas. Salutabis meo nomine quam officiosissime uxorem ⁶ tuam de me optime meritam et sobolem 7 omnem tuam faelicem. Fratrem item tuum, d. Ioannem, mihi amicissimum, eiusque uxorem 8 , famularn tuam Brygitam ⁹ , in primis Annam Kellerin 10

Frankfordiae, 15. septembris 1541.

Christianus Hochholzer, tui observantissimus.

[Adresse auf der Rückseite:] Doctissimo nec minus pio viro d. Heinricho Bullingero, Tigurinae ecclesiae antistiti, domino suo ac patri colendissimo.