[205]

Autograph a : Zürich ZB, Ms F 62, 28r.-v. Siegel Zusammenfassende Übersetzung und Teildruck: Blarer BW I 388f

Freut sich über einen Brief Bullingers. Die schwierige Situation der Zürcher Kirche ist eine von Gott gesetzte Bewährungsprobe. Man wird sich gegenseitig im Gebet beistehen. Veit [Kappeler]hat über die Hoffnung einer Einigung mit den V Orten berichtet. Grüße der Brüder Zwick und Thomas Blarers. Veit macht einen guten Eindruck. Bitte, auf Luthers Angriff nicht zu reagieren. Bullinger soll seinen angekündigten Besuch in Konstanz bald verwirklichen und Einzelheiten über die vor der Schlacht bei Kappel beobachteten Vorzeichen mitteilen.

Gratia tibi et pax a coelesti patre per Christum.

Valde quam exhilaravit me tua illa fidei et charitatis plena epistola 1 , Bullingere clarissime, ubi primum quae mihi tam ardentibus votis a communi servatore Christo fideliter petis, ab illo ipso ut faeliciter impetres, totis animis precor. Plane novi humilitatem meam et quam nihil possit humanus conatus, nisi praesenti suo numine divinus spiritus adsit, id quod plaerique non obscuris argumentis intelligimus, cum ex magnis saepe laboribus non perinde magnum referimus fructum. Suos novit dominus

Alten oder Neuen Testaments, um den Bullinger den Buchhändler Mangolt gebeten hatte.

Briefe_Vol_03_0097	arpa

---

2 , qui soli pastoris vocem agnoscunt b 3 et ad hanc se, quando et quantum ipse dat, magis ac magis accommodant et sensum aliquem habent coelestis domini ⁴ . Quod ecclesia vestra adeo iactatur tentationum procellis ⁵ , gravissime profecto ferrem, ni scirem optimum patrem in caelis omnia filiorum suorum ita moderari, ut malis istius modi probetur, non labefactetur ipsorum fides. Triumphat certe per nos in Christo, cuius beneficio ceu palma 6 , quo graviore mole deprimimur, hoc altius collectis et exertis viribus adsurgimus. Quotidie experimur, quantum cruce robur addatur fidelibus Christi, ut sit nobis non solum non deprecanda, sed ambobus brachiis arctissime complectenda ⁷ , cum praesertim non ignoremus, quantum superiore saeculo mundi pax ecclesiis offecerit, ubi frigebant ac iacebant omnia verae pietatis studia et summa erat licentia errorum. Fiat igitur voluntas domini 8 , tentet, vulneret, occidat verum ita, ut tentationibus puriores, vulneribus saniores, morte quoque immortali vita beatos reddat, omnia per Christum, qui nobis est omnia in omnibus ⁹ . Orabimus autem, quod obsecras, pro vobis, ut quam fertis modo crucem, constanter et infracto animo feratis supplentes, quod deest adflictionum Christi. Vos vicissim sedulis ac piis precationibus Christo nos commendate, ut qui iam dudum non male coepisse 10 videmur porro, etiam ad dignam omnino domino mentem promoveamus.

Iam quod spes quaedam concordiae cum Paganis ¹¹ vobis adfulget, gratissimum fuit accipere tum ex tuis charissimis literis, tum ex Viti ¹² nostri dilucida narratione, atque utinam spem hanc non eludat desultorium istud et per se quidem plus satis ferox, sed nunc etiam aureis, quod multi putant, calcaribus ¹³ incitatum gentis vestrae ingenium! Quid enim non cogit mortalium pectora ista execranda fames auri 14 ? Verum nos de domini auxilio ||28v. securi et spiritualibus armis communiti omnes male audacis mundi insultus fortiter expectabimus atque per hunc, qui in nobis et maior est mundo ¹⁵ , certissimi devincemus.

In eo bene vale, multis mihi nominibus venerande pariter et charissime frater, cuius sancta amicicia Zuiccium, illud christianissimum pectus, simul et me unice et supra, quam scribere possim, oblectat; iste cum suo ¹⁶ et meo ¹⁷ germano fratre salutem tibi adscribere iubent.

Vitus noster sua ipsius pietate et integritate se nobis satis commendat, ut rebus iIlius

vorübergehend in Konstanz aufhielt, s. noch oben S. 81, 20.

Briefe_Vol_03_0098	arpa

---

modis omnibus consultum cupiamus nihil neglecturi, quod in rem huius esse videbitur, iamque hoc magis, quod tua quoque commendatio accessit.

Lutheri criminationes et cruentos calamos ¹⁸ rogamus Christum ut, quemadmodum facis, fortiter ac perpetuo contemnas. Plus enim expendendum nobis, quid nos deceat quidve Christi sanguine mundatas ecclesias aedificet ¹⁹ , quam quid ille mereatur.

Commenda nos Pellicano, Leoni ²⁰ , Theodoro ²¹ et caeteris. Salutant vos nostri omnes.

Constantiae, 30. martii 1533.

Tuus Ambrosius Blaurerus.

Quam de tuo adventu ²² spem nobis aperuisti, cave fallas. Matura, mi frater, et advola. Multa habemus, de quibus tecum colloquamur. Sunt, qui adfirment te ante superiorem stragem ²³ nescio quae portenta et spectra vidisse ²⁴ etc., de quibus me, nisi ipse propediem advenis, facere velis per literas ²⁵ certiorem, idque, ubi per otium integrum tibi erit; neque enim intempestiviter interpellare velim seria tua et christianissima studia.

[Adresse auf f. 29v.:]Clarissimo viro d. Heinrycho Bullingero, Tiguricensis ecclesiae episcopo sanctissimo, fratri in Christo cumprimis venerando. Zürich.