[837]

Autograph: Zürich StA, E II 343, 118 (Siegelspur) Ungedruckt

Hat wegen längerer Abwesenheit nicht früher geschrieben; weil das Los diesmal auf [Peter] Kunz fiel, muß er [Simon] Sulzer nicht nach Yverdon begleiten. Ist wegen der Verwicklung der Eidgenossen in den Krieg Frankreichs gegen Kaiser (Karl V.] in großer Sorge und hält seinen Weggang von Bern für unvermeidlich; bittet, ihn wieder ans Spital oder in eine Zürcher Landgemeinde zu berufen, und klagt über die dem Vaterland drohende Gefahr.

Gratiam a domino.

Quod minus mature vobis scribo, fratres charissimi, quemadmodum fere solemus omnes, in occupationes, sed verissime, culpam confero. Tribus enim fere iam integris heptomadibus domi non fui. Et hodie quoque Iverdunum petendum mihi fuisset, nisi non sors super Contzenum ceciderit, qui isthuc cum Sulzero profectus est 1 .

Caeterum, quantum attinet ad expeditionem adversus caesarem Gallicam ² , malum, quod hinc non solum reipublicae Helveticae, sed Christo nostro suoque evangelio iminere video, satis deplorari non potest. Ingens certe, ne dubitetis, fratres, calamitas eaque tanta nos manet, ut mederi non queat. Nullus enim medelae locus amplius. Nullus pharmacum acceptat saluberrimum. Omnis enim, qui blandiri non novit, nisi magna quorundam impatientia non fertur. In summa: Nulla amplius sanitas - vobis dico, vobis, inquam, solum -, ut propheta

Briefe_Vol_06_316	arpa

---

loquitur, a planta pedis ad capitis usque verticem ³ . Quare velim nolim ⁴ semel hinc solvam hancque ecclesiam deseram oportet. Et certe vobis dico ne diem -quid dico? — ne horam quidem praeterire ullam, qua non, quid mihi faciendum sit, anxie et sollicite consultem. At quid faciam, plane non reperio. Curate igitur, obsecro vos per Christum, ut vel domum ad xenodochicum hoc meum munus revocer ⁵ vel ad ecclesiam qualerncunque in agro. O lepidam juventutem ac cohortem Tigurinorum castra Gallorum proficiscentium! Videor mihi certe videre aut principum remunerationem atque adeo omnis immodestiae Lernam ⁶ et colluviem redire aut bellum idque calamitosum. Eligatis, utrum velitis, et ipsissimam patriae perniciem experiemini.

Bene valete.

Bernae, iunii 6. anno 36.

Salvis omnibus fratribus.

C. Megand. ex animo

vester.

[Adresse auf der Rückseite:] Dominis ac viris praestantissimis Leoni ⁷ ac Heinryco Bullingero, ecclesiastis Tigurinis, fratribus suis charissimis.