Rümlang braucht Sebastian [Meyer]nicht zu entschädigen, da Froschauer ihn zufriedenstellen wird; Meyers Sorge, Luther könnte [an der Vorrede zum Apokalypsenkommentar] Anstoß nehmen, ist unberechtigt, denn sollte die Konkordie Kritik an einem fehlbaren Menschen verbieten, ist sie ohnehin unhaltbar. Kann sich eine Veröffentlichung des [Ersten]Helvetischen Bekenntnisses nur mit Zustimmung [der beteiligten Orte] vorstellen. Schenkt ihm und Peter Cyro sein neues Buch "De origine erroris" und bittet um Beurteilung. Weist auf die [neuerschienene] Bibelübersetzung Münsters hin, zu der er eine Einleitung verfaßt hat. Grüße.

Gratiam et vitae innocentiam a domino.

Non est, Eberharde mi, ut doctori Sebastiano ¹ de tuo quicquam numeres; Froschouerus illi satisfaciet. Cum enim ipsi, quod scripseras ² , suggererem, ille dixit se homini satisfacturum. De aliis ne sis sollicitus. Interim modestia tua novit seni aliquid condonare. Frustra vero ipse metuit offendi Lutherum ³ . Pluris enim veritas quam Lutherus habebitur a theologo. Nemini autem obscurum est, quam temere de quibusdam libris scripturae sacrae pronunciarit Lutherus b4 . Ego non video, quid peccant doctor Sebastianus. Quod si concordiae conditiones id possunt, ut nemo pro veritate contra Lutherum vel os aperiat, cum homo sit Lutherus, non deus, pereant concordiae conditiones. Ego agnosco Lutherum esse hominem, qui et falli possit et fallere, qui de errore admonendus sit et revocandus. Non probo illos, qui ex ipso nobis novum pectoris scrinium fabricare statuunt ⁵ .

An possit vulgari confessio ecclesiarum Helvetiae ⁶ , ignoro. Vellem autem communi omnium consensu vulgari, et fortassis suo tempore et loco id fiet.

Quid ego hac hieme scripserim, vides: duos libros De origine erroris ⁷ . Non sine sudore et labore ingenti illos conscripsi. Forte non probabunt illos quidam. Sed veritatem intrepide scripsi, veritatem deo adiuvante in finem usque tuebor. Hoc autem exemplar ea lege tibi dono, ut donum commune habeas cum clarissimo viro d. Petro Gyrone ⁸ , scriba inclytae urbis vestrae. Atque dominum oro, faxit, ut animos alioqui coniunctos efficiat hoc cornmuni don c coniunctiores. Salutabis mihi virum et mea ipsi obsequia offeres. Arno enim candorem et eruditionem hominis illustrem. Expecto iuditium de libro meo ⁹ .

Vidisti forsan Biblia Latina e versione Munsteri ex veritate Hebraica 10 , cui praefixi expositionem de omnibus libris sacrae scripturae eorumque dignitate et praestantia 11 . Omni studio in ea annixus sum, ut sacrarum litterarum studium omnibus commendarem.